AURREKO BERRIAK
2007/05/22

Hemen gaude...
Denbora pila ezer idatzi gabe... eta albisteak pilatzen ;-)

EKTko kontzertua eta gero gure entseiuekin jarraitu genuen arren, azken bi asteetan grabaketaren jarraipenari ekin diogu. Gogoratuko duzue nola apirila hasieran grabaketa egun batzuk izan genituen, horiek entzun, gauzak hobetu eta orain lasaitasun handiagoz ari gara grabatzen. Gutxi-gora-behera 2-3 hilabetetarako lana izango dugu, eta espero emaitza ona izatea.

Bitartean, udako kontzertuak ere prestatzen joango gara. Momentuz plangintza egiten ari gara, eta ezin dizuegu gauza  handirik aurreratu, bakarrik Gipuzkoan jotzen izango garela. Ea datozen asteotan gure udako kontzertuak argitaratzen ditugun. Bitartean, badakizue, gure musika entzun eta Zeren Zai-ren  kontzertuak eskatu!

A, eta noizbait euskaraz ez dakien norbaitek gure kantuen esanahiaz galdetu badizue, esaiezue gaztelerazko atalean itzulpen batzuk jartzen hasi garela. Ez da oso erraza ondo itzultzea, baina tira, ideia bat egiteko... nahikoa. Laister arte denoi!

2007/04/21
Biharamuneko gogoetak
Ba... joan zaigula beste kontzertu bat ere, udaberriko lehena. Egia esan, primeran pasa genuen atzokoan ere, Irungo EKTko aretoan. Portzierto, uste baino areto txukunagoa gelditu zela kontzerturako, dotore. Eta giroa ere oso ona.

Web orria izatearen abantailetako bat eskerrak emateko txoko bat izatea da, ze kontzertuan bertan askotan ez dira ondo entzuten, beraz, MILA ESKER hurbildu zineten guztioi, eta batez ere Irun Iruten elkarteari jotzeko aukera eskaintzeagatik.

Eta betiko moduan, eskaera bat: bidali kontzertuetako argazkiak (zerenzai@zerenzai.info) gure webean jartzeko. A!! eta bota zuen iritziak gure foroan... zuen feedback-a oso garrantzitsua da-eta. Laister arte.

2007/04/10
Irungo kontzertura nola heldu
Hamar egun besterik ez kontzerturako, eta irundarrak ez direnentzako argibide batzuk doazkizue. Kontzertua Irun Iruten elkarteak antolatzen du, "Kultur Errota" zirkuitoaren barenan.

Irungo Euskal Kultur Taldearen (EKT) egoitzan izango da (Larretxipi kalea, 12), eta bertara iristeko abiapuntua San Joan Harria plaza (Udaletxea dagoen plaza). Hortik, udaletxearen ezker aldetik jaitsi eta parte zaharrerako bidea hartu, eta ondorengo mapak laguntzen dizuen. Gogoratu, apirilak 20an, gaueko 9etan, sarrera doan. Zuen zai izango gara.

2007/04/01
Irungo kontzertua prestatzen

Gure bigarren maketa sukaldean dagoen bitartean, Irungo EKTko kontzertua prestatzen ari gara jo-ta-ke. Gogora arazten dizuegu bi aste barru izango dela, apirilaren 20an. Aurreratzen dizuegu sorpresak izango direla, beraz, ez ezazue galdu!

Bestalde, eta milaka zaleren dei eta mezuak jaso ondoren, gure bateria berriarekin argazkiren bat atera dugu, argazkien atalean aurkituko dituzue. Hona aurrerapen bat:
zeren zai

 Eskerrik asko Alba eta Adrianari, argazkiak ateratzeagatik!!

2007/03/10
"No news, good news": Zeren Zai, berriz grabatzen

Bai bai, hala da, ez gaude txantxetan... azkenean gure lau kantu berriak CD formatoan izango dira laister. Asteburu honetan arituko gara "Factory Records"-en jo-ta-ke gure lau perla berriak grabatzen:

- Lur Berrietara "alias Dahiru"
- Barruan
- Zu zentozela "alias So Fast"
- Mugan (klasiko bat gure kontzertuetan).

Ikusten duzuenez, berririk ez egotea ez da beti txarra.

Portzierto! Ia ahazten zitzaidan...kontzertu berri bat dugula: Irungo EKTn joko dugu datorren hilean, apirilaren 20an (ostirala), 9tan.  Informatuko zaituztegu... (bueno, Gabik web-a eguneratzeko gogorarazten badit ;-))

2007/01/28
"Dahiru" eta "Barruan"-en estreinu mundiala

Horiek baitira gure bi kantu berrienen izenburuak (bueno, lehenak beste izenburu bat ere badu...). Ostiralean estreinatu genituen Andoaingo Txitibar tabernan, gau hotz batean. Barruan giroa berotzen saiatu ginen, baina tira, zuen esku utziko dugu hori baieztatzea (edo ezeztatzea)...

Gaueko 12etan puntual ekin genion jotzeari, taberna erdi beteta zegoela. Publiko gehiena Andoaindarra, nahiz eta izan ziren errepide jelatuari aurre eginez kanpotik hurbildu zirenak ere. Gustora jo genuen, denboraldiaren lehen kontzertua izanik, hobetzen joango dena.

Eskerrik asko benetan Factory-ko Xabi eta Joni, bere laguntza handiarengatik. Beren ukiturik gabe kontzertua ez baitzen berdina izango.

2007/01/19
Kontzertura nola heldu

Lehengo egunean aurreratu bezala, Zeren Zai-k Andoainen joko du datorren astean, urtarrilak 26. Askorentzat ezezaguna izango da Txitibar taberna eta horregatik bertara heltzeko mapa duzue ondoren.

N1etik etorrita,  447A irteeratik sartu behar da Andoainera (bigarren sarrera), lehen mapan azaltzen den moduan. Ondoren, jarraitu 2. eta 3. mapak.

Bertan ikusiko dugu elkar!
1. mapa       2. mapa     3. mapa

2007/01/17
Kontzertua Andoainen

Denboraldi berriko  lehen kontzertua eskainko dugu datorren urtarrilaren 26an, ostirala. Andoiango Txitibar tabernan izango da gaueko 12etan hasita.  Kontzertua Xpression kultur elkarteak antolatzen du, Xpression zirkuituaren barruan.

2007/01/02
Kantu gehiago entzungai

Web orria berritu genuenean lehen maketako kantu batzuk jarri genituen entzungai, baina ez denak. Gaurtik aurrera maketako guzti-guztiak dituzue mp3 atalean.

Pila eskertuko genizueke zuen iritziak botatzea gure foroaren bidez, eta horretarako zabaldu dugu galdera bat: zein da zuen kanturik gogokoena?  Mila esker!

2007/01/01
Urte berri on!

Hemen dugu 2007a, ZEREN ZAIren izenean Urte berri on bat bere jarraitzaile eta lagun guztiei. Ondo pasa!
2006/12/19
Orria hobetzen doa

Domeinuekin arazoak izan ditugu azken orduetan baina badirudi dena konponduz doala eta www.zerenzai.info-tik ondo sar daitekeela gure web orrira, ea horrela jarraitzen dugun...

Bestalde, "Argazkiak" atalean kontzertu batzuetako argazkiak sartu ditugu, eta baita maketaren grabaketarenak ere. Zuen gustokoak izango direlakoan...
2006/12/17
Azken hilabeteotako aldaketak

Interneten konexio arazoak izaten genituen bitartean, Zeren Zai taldearen barruan hainbat aldaketa izan dira. Alde batetik Xabi Tuñon bateriajoleak ez du taldean jarraitzen urritik. Bere ordez Javier Alberdi dugu, bakarlari gisa eta hainbat taldeetan aritutakoa.

Lerro hauetatik zorte handia opa diogu Xabiri eta ongi etorri beroa ematen Javiri!

Bestalde, dakizuen moduan, azken hilabetetan ez dugu kontzerturik eman. Logikoa dirudi, baterijole aldaketarengatik, baina edozein modutan pentsatua genuen kreatibitatea lantzeko hilabete batzuk hartzea. Hainbat kantu berri ditugu eta horiek ari gara lantzen. Seguruenik urtarrilean kantu horiek grabatuko ditugu, bai behintzat lan-grabazio moduan. Izango zaituztegu ondo informatuta.


2006/12/17
Ziberespazioan berriz ere

Aurreratu egin da aurtengoan Olentzero, bai behintzat Zeren Zai-rentzat. Webgune berria ekarri digu. Hainbat hilabetetan ziberspaziotik kanpo izan ondoren, hemen gara berriz sarean. Hemendik aurrera, egonaldi luze bat egin nahiko genuke txoko honetan.

Web orriaren helbide ofiziala ere aldatu egin dugu, .tk bukaeraren ordez, .info bukaerarekin izango gara aurrerantzean: www.zerenzai.info. Hainbat hilabetetan zehar, hala ere, zerenzai.tk idatzita ere heldu ahal izango da  honaino.

Gure email helbide ofiziala ere aldatu egin da eta hemendik aurrera zerenzai@zerenzai.info izango da. Hortxe izango gaituzue zuen galdera, iritzi, argazki etabarrak jasotzeko.

Zuen gustokoa izango delakoan gaude.