|
Zeren
Zai-ren albisteak jaso nahi? Harpidetu!!
|
| AZKEN BERRIAK |
|
2008/08/31
Gure musika deskargatzeko aukera
doan
Gure diskoaren
aurkezpenean aurreratu bezala, gaurtik aurrera gure web orri honen
bidez "Lur berrietara" gure azken diskoaren kantu eta karatula guztiak
deskargatzeko aukera izango da. Nahi duenak, diru-ekarpen bat egiteko
aukera ere izango du.
Edozein modutan ere, gure diskoa ere salgai dugu CD formatuan. Erosi
eta etxean jaso nahi baduzue egin klik ondorengo loturan:
Lur berrietara CD originala erosi 
Bidalketa gastuak
aurreztu nahi izanez gero, egin klik hemen gure
salmenta puntuen berri izateko.
|
2008/08/01
Mila esker denoi
Disko berriaren aurkezpenera
hurbildu zineten guztioi eskerrik asko. Zuei esker MAD aretoa toperaino
bete genuen.
Hurbiltzerik izan ez zenutenek izango duzue beste aukerarik irailetik
aurrera. Abuztuan jai
hartuko dugu baina bitartean gure disko
berri eskuratzen joan zaitezkete. Deskargak irailetik
aurrera eskuragarri izango dira.
Lur berrietara CD originala erosi
Lur berrietara CD originala erosi
|
|
2008/07/23
"Lur berrietara" diskoaren
aurkezpena Donostian
Heldu
da azkenik Zeren Zai-ren disko berria. Eta ospatzeko, gure zale eta
lagun guztientzat aurkezpen kontzertua prestatu dugu Donostian.
Uztailaren 31n izango da Larramendi kaleko MAD aretoan (Errege
katolikoen inguruan), arratsaldeko 8etan.
Bertan,
gure azken kantuak entzuteko aukeraz gain, diskoa erosteko aukera ere
izango da. Zuen zai izango gara.
|
|
2008/07/20
Zeren Zai Errenteria-Oreretako
Madalenetan
Astelehenean,
uztailak 21, Errenterian izango gaituzue bertako
Madalenetan. Txosten gunean joko dugu gaueko 12ak aldera. Kontzertuak
11etan hasiko dira eta Mr Fylyn taldearen ondoren ariko gara. Ea elkar
ikusterik dugun.
|
|
2008/06/09
Kontzertua Irunen
Datorren ostiralean,
hilak 13, gure ohiko toki batera itzuliko gara, Bidasoako EKTren
egoitzara. Bertan, gure azken kantuak entzun ahal izango dituzue. Gaueko 9,30etan
hasiko da. Ea
bertan elkar ikusten dugun!
|
|
2008/06/06
"Lur berrietara" Zeren Zairen
bigarren diskoa laister kalean
Kostata, atzerapenez,
ibilbide luze baten ondoren... laister
izango da kalean gure bigarren diskoa: "Lur berrietara".
Zazpi kantuz
osaturik, Zeren Zai-ren azken urtearen ibilbidearen adibide izatea
gustatuko litzaiguke, soinu berriekin, intentsitate handiagoz eta batez
ere, zuen gustokoa izateko gogoz.
Disko berriaren aurkezpen ofiziala uztailean
izango da oraindik zehaztu gabe dugun kontzertu batean. 8 €-tan salgai izango da
CD formatoan, nahiz eta nahi duenak gure web orritik jaitsi
ahal izango dituen kantuak eta maketazio guztia. Gustatu zaionak, bere
diru-ekarpena ere egin ahal izango du gure web orritik.
Agortu baino lehen eskatu nahi izanez gero, idatzi mezu bat lurberrietara@zerenzai.info
helbidera.
|
|
2008/02/16
Kantu berriak entzungai
Hemen
gaude berriz ere berrikuntza batzuekin. Ezer baino lehen, Lasarteko
kontzertuan oso gustora jo genuela esan behar dugu, sekulako soinua
Xabi eta Jonen esktuik (www.factorysonido.com).
Jalgi
kafe antzokia gainera nahiko bete zen, batez ere herriko jendeaz, eta
hori guretzat pozgarria da. Itzuliko gara.
Bestalde, jakin ezazue gure bigarren diskoa pixkanaka moldatzen goazela
eta horren lekuko multimedia
sailean aurkituko dituzue aurrerapen kantu batzuk.
Ez dira definitiboak eta ezin dira jaitsi, baina bai behintzat entzun.
Zuen iritziak, mesedez, gure bisita liburu berrian eman,
edo bestela zerenzai@zerenzai.info
helbidean. Zuen gustokoak izatea espero dugu.
|
|
2008/02/03
Idiazabal, Gaztea, ... eta
ostiralean... Lasarten
Web orria eguneratu gabe denbora asko
pasatzean, garbi dago esateko gauzak pilatu egiten direla.
Lehenik, atzean
gelditu da Idiazabalgo
Pop-Rock lehiaketa.
Taldeen lehen aukeraketaren ondoren, bertan jotzeko aukera izan genuen,
15 minutuz. Gure arazotxoa izan genuen, zehazki, gitarra baten pila agortu egin
zitzaigula, eta beraz, emanaldiaren erdia gitarra batek jotzen ez zuela
aritu ginen... Ondorioz, 5.
postua eta etxera. Zorionak Milkshake ordiziarrei.
Bigarrenik, Gaztea
irratiko maketa lehiaketaren entzulearen
saria.
Egia esan, beste taldeek zituzten botu pilarekin gure itxaropenak
hutsaren hurrengoa ziren. Baina, ez dakigu nola, lehengo ostiralean
bertan talde finalisten
artean
geundela enteratu ginen, gaueko 9,30etan. Eta ez hori bakarrik, bozketa
zerotik hasten zela gaueko 9etatik 10ak arte. Kontuan izanda lehiaketa
hauetan lagunek bozkatzen dutela, eta ez geniola inori abisatu, ba...
emaitza jakina da. Ah, ta noski, zorionak Noisex taldekoei. Eta noski, mila esker botua eman zeniguten
guztioi!
Ba bueno, pasatakoak pasata, oraingo honetan Lasarteko
kontzertuan pentsatzen ari gara. Ostiral
honetan izango da bertako Jalgi kafe antzokian. Txoko
atsegina da, herri erdi-erdian, eta oraingo honetan Xpression kultur
elkartearen eskutik goaz (www.xpressionk.net). Gaueko 10,30etan
izango da.
|
|
2008/01/04
"Gaztea Maketa Lehiaketa": denok
botua ematera!
Urtea hasi berria
dugun honetan, ZEREN ZAIko jarraitzaile guztioi mesede bat
eskatzera goaz. Gaztea
Irratiko maketa lehiaketan
parte hartzaile
moduan gaude grabatu
berri ditugun kantuekin, eta zuen botua gure taldeari
ematera animatu nahi
zaituztegu.
Sarietako bat
entzuleek ematen dute www.gaztea.com
web orrian bere
talde gogokoenari botua emanez. ZEREN
ZAIri botua emateko, ondorengo
loturan sakatu eta jarraitu argibideak. Mila esker guztioi!
|
|
2007/12/26
Post Bartzelona. Agur 2007.
Isilik
izan gara Bartzelonako kontzertutik eta ez kontatzeko gauzarik ez
dugulako. Izan ere kontzertu polita izan zen gure ustetan, etxeko
giroan, kataluinar zein euskaldunez inguratuta. Egia esan oso gustora
jo genuen 2007ko gure
azken kontzertua izan zena.
Eskerrik
asko lerro hauetatik bertan izateko aukera eman ziguten Euskal Etxeko
lagunei, bereziki Noeli,
ez baitzuen detailerik ere ahaztu. Moltes
gracies.
Eta
zuei, gure taldearen jarraitzaile eta web honen irakurleoi, Eguberri eta Urte berri on.
Espero dezagun 2007 bezain oparoa izatea 2008a ere, eta ahal bada,
gehiago. Opari gisa, Bartzelonan Eneko
Illarramendi argazkilariak ateratako argazkiak ikusteko
lotura doakizue, benetan argazki ikusgarriak. Laister arte.
Argazkia:
Eneko Illarramendi
Bartzelonako
kontzertuko argazki gehiago hemen:
|
|
2007/12/07
Kontzertu
akustikoa Bartzelonan
Datorren
ostiralean, abenduak 14, kontzertu akustikoa eskainiko dugu
Bartzelonako Centre
Cultura Euskal Etxean. Gure ohiko kantuak eta berriak modu berezi
batean
eskainko dugu Kataluinara egingo dugun lehen irteeran.
Kontzertua gaueko
10etan izango da Bartzelonako Placeta Montcada kalean dagoen Euskal
Etxean. Informazio
gehiagorako: www.euskaletxeak.org.
|
|
|
